Narongoye umukobwa mukuye mu kabari turabana, ariko ibyambayeho n’agahomamunwa UBUHAMYA


YANDITSWE NA:shangazi kuwa 2019-07-15 07:53:37 0


Mbanjije kubasuhuza nshaka kubabwira ibyambayeho ndetse nifuza no kubagira inama kugira ngo mutazagwa mu mutego nk’ uwo niguyemo.

Nitwa Claude m-te imyaka 27 y’ amavuko ,ntuye mu Karere ka Gasabo, mu mwaka w’ i 2018 nasohakanye n’ inshutu zanjye tujya mu kabari tujya kwizihiza umunsi mukuru wa Noheli maze tukihagera twakirwa bisanzwe n’ umukobwa wakoraga aho hantu , gusa nkimara kureba ikimero cye kwihangana byarananiye.

Icyo gihe ndabyibuka neza ko nari kumwe n’ izindi nshuti zanjye eshatu maze dutuma nyamukobwa icyo kunywa akituzanira mbona atwitayeho cyane, mu by’ ukuri uko twakomezaga kumutuma nawe yadutumikiraga n’ ubushake bwinshi.

Uko bwagendega bwira dukomeza no kwifata neza n’ umunezero ni nako n’ ibyishimo byarushagaho kwiyongera ntangira kwishimira ndetse niyumvamo uwo umukobwa ukora muri ako kabari wari utwitayeho.

Kamaze kungeramo nshyirika ubwoba maze mpamagara nyamukobwa mubaza akazina ke na numero ya telefone ambwira ko agihuze ariko anyemerera kuza kumpa umwanya akazi kagabanutse.

Ubwo naramwumviye biba ngombwa ko saa sita za nijoro, inshuti zanjye twari twazanye gusangira zinsiga aho maze ntegereza nyamukobwa. Nagumye aho mfata akarahuri buhoro buhoro kuko nari nashyize inyota ,ariko ndindiriye umukobwa wari wantwaye roho.

Saa Saba za nijoro zimaze kugera umukobwa araza nk’ uko yabinsezeranyije maze turaganira ntangira mwibwira izina ryanjye …Claude maze nawe ambwira ko yitwa Gihozo. Mu ncamake namubwiye ko namukunze cyane nubwo bwari ubwa mbere mubonye maze musaba kuzansura mu rugo iwanjye nawe aremera ni uko twahise dutandukana kuko bwari bwije cyane, njya iwanjye nawe ijya iwe.

Bucyeye niteguye umushyitsi w’ imena uwo ni Gihozo yahise aza kunsura murangira aho ntuye nkoresheje telefone ahegeze mwakira nk’ umwamikazi w’ i Sheba. Umunsi yansuraga twahuje urugwiro musaba ko yambera umufasha maze nawe ntiyazuyaza arabyemera.

Tumaze kubana hadashize n’ icyumweru yatangiye kujya ansaba ko najya ndezaho ku mafaranga namusigiraga yo guhaha kujya ndenzaho ayo kugura agacupa(inzoga) nkajya mbigenza uko. Kera kabaye !umunsi umwe naratashye njye gufata mafunguro ya saa sita nsanga Gihozo adahari ariko nsanga inkono y’ umuceri iri ku mbabura yashiririye.

Nagize amakenga nahise muhamagara kuri telefoni anyitabye ambwira ko ari aho agannye ansaba ko namurindira. Yaje kungeraho hashize isaha yose mukubise amaso mbona yasinze pe !ururimi rwagobye adashobora no kuvuga neza ,nabuze icyo mvuga mpitamo gusubira mu kazi.

Narenze kuri ibyo, nibaza ko ashobora kuba yitwara nabi bitewe no kwirirwa mu rugo mushakira icyo gukora bidateye kabiri biramunananira arahomba. Iyo myitwarire idahwitse ya Gihozo yakomeje kuntera agahinda kuko numvaga nifuza ko
twakubakana ndetse tukanatera imbere kuko namukundaga cyane nirengagije aho namukuyemukabari.

Nakomeje kwihangana nzi ko azahinduka ahubwo nkabona arushijeho kuba mubi n’ ingeso namubonyeho kuko naje kumenya ko anywa itabi ryinshi kuko naramwifatiye.
Mu mezi atandatu twamaranye na Gihozo najye kumenya ko aboneza urubyaro rwihishwa kandi nta n’ umwana dufitanye ibyo byatumye ndushaho kumutakariza icyizere kuko nahise menya ko atanifuzaga kuzambyarira.

Maze kumwitegereza navumbuye ko ashaka kunsenyera burundu mpitamo gutandukana nawe azinga utwe maze muha imperekeza y’ ibihumbi mirongo itanu by’ amanyarwanda(50.000 fr). Mwitondere gushukwa n’ uburanga bw’ inyuma ndetse no kwibaza kurambagiriza mu tubari kuko
bihira bacye.

TANGA IGITEKEREZO KURI IYI NKURU

IBITEKEREZO KUNKURU


© 2019 GuKUNDA.RW . All rights reserved | Design by GUKUNDA